Dis kesyon sou nouvo gouvènman an

Post Reply
User avatar
admin
Site Admin
Posts: 2152
Joined: Thu Nov 13, 2014 7:03 pm

Dis kesyon sou nouvo gouvènman an

Post by admin » Wed Mar 10, 2004 9:18 am

[quote]Maitre Gerard Latortue se yon gro technokrat ki te deja minis afè etranjè sou Manigat. Lap travay lan gro biro FMI. Se yon blôk konesans ki kanpe sou de pyel. Li gen yon pakèt sèvis li pral rann Ayiti. Li gen tout syans pou li mete kanpe yon l ôt estrikti ôganizasyonnel. Li gen tout konesans poul amenaje yon lôt espas ekonomik e pou li entegre Ayiti ak konpetans e diyite lan tren ekonomik mondyalizasyon ki pral demare 1er janvye 2005 lan la.[/quote]
  • Ki moun ki kapab bay plis sou Gérard Latortue oubyen sou sa Jean Erich René rele "tren ekonomik mondyalizasyon ki pral demare 1er janvye 2005 lan"?

    Pouki dat sa alòske ane 2004 la fèt kòmanse?

    Gwo kesyon. Men lòt toujou:
    [/*:m]
  • Èske Ayisyen pral rekonèt lejitimite yon pouvwa meriken foure nan gòjèt yo?
    [/*:m]
  • Marc Bazin se te poulen meriken tou e li te travay pou Bank Mondyal. Gérard Latortue se nouvo poulen meriken yo e li te travay nan Fon Monetè Entènasyonal. Eske Marc Bazin ak Gérard Latorue se senkant kòb ak degouden?
    [/*:m]
  • Ki te wòl Gérard Latortue kòm anplwaye FMI nan tout kontra, tout negosyasyon, ki te tabli ant Peyi Dayiti ak FMI? Eske Latortue te patisipe nan peze kou Ayiti pandan tout ane ki sot pase yo?
    [/*:m]
  • Sanble Gérard Latortue se yon gwo teknokrat ki chaje ak konesans. Men èske li konn anyen nan politik? Eske gwo konesans teknik li pral mennen nou sou wout konpetans?
    [/*:m]
  • Pou ki sa se li Meriken yo chwazi? Eske se enterè Ayiti Gérard pral defann, oswa enterè FMI, ki vle di enterè meriken yo?
    [/*:m]
  • Pandan peryòd lokipasyon (1915 - 1934), Meriken pat bay okenn lidè ayisyen espas pou yo pran okenn desizyon pou tèt pa yo? Ki sa ki pou ta fè nou kwè jwèt la ap diferan fwa sa?
    [/*:m]
  • Epi, pou konbyen tan Latortue pral
    premye minis?
    [/*:m]
  • Eske Konvèjans lan fini oswa yo la pi rèd? Eske 184 la fini oswa yo la pi rèd? Yo tap chache koudeta, yo twouve koudeta toufèt toufouni. Eske nouvo gouvènman sa se enterè klas entelektyèl-endistriyèl la li reprezante kounyè a?
    [/*:m]
  • Finalman, ak nouvo gouvènman sa, ki moun ki mèt peyi a: Se Ayisyen ou Ameriken?[/*:m]

Jonas
Posts: 238
Joined: Sun Sep 07, 2003 11:53 am

Post by Jonas » Thu Mar 11, 2004 5:28 am

Wi JAF,

Kote PAPDA?
Se pridan ,yo pridan?
Mwen pa ta kwè sa ,paske yo te di pa t gen libète la pawòl sou gouvènman Aristide lan men yo te gen ase libète pou yo te di ke Aristide koupab dè 7 peche kapito ,e anyen pa t rive yo.
Mwen wè sou sit wèb puchis Métropole ke Group 184 ap mande pou fèmen dyol ansyen zotobre Lavalas yo,anpeche yo pale nan radyo.
Dapre yo,se mesye sa yo k ap rele popilasyon pou yo pran la ri.

A Pali Papa.
Eske mesye 184 yo ,te ize demokrasi ,pou yo te ka tiye l?
Nou la ,na p gade...

Post Reply