Ayiti, Ayiti ! - Marcel Sylvain

Post Reply
Guest

Ayiti, Ayiti ! - Marcel Sylvain

Post by Guest » Sat Feb 05, 2005 12:35 pm

Ayiti, Ayiti !
Marcel Sylvain



Mwen fèt nan yon bèl ti peyi
Ki benyen nan lanmè dèzantiy
Peyi m sila mwen renmen li
Li tèlman dous tèlman trankil
Ayiti se konsa l rele
Li trè joli, li trè charman
Yo mèt ban m lò mèt ban m dyaman
Mwen pap janm kite l !

Ayiti, Ayiti !
Mwen renmen w pou tout lavi
Ayiti manman cheri
Se nan bra w pou mwen mouri !
Ayiti, Ayiti !
Mwen renmen w pou tout lavi m
Ayiti manman cheri
Se nan bra w pou mwen mouri !


Peyi m sila se ladoudous
Li dous pase yon kann kreyòl
Pitit li pa konprann valè l
Paske yo pa genyen bon dyòl
Men etranje konn apresye
Dè ke lan peyi a l vini
Yo pa mande pyès pou kite l
Tank yo renmen li

Ayiti, Ayiti !
Mwen renmen w pou tout lavi
Ayiti manman cheri
Se nan bra w pou mwen mouri !
Ayiti, Ayiti !
Mwen renmen w pou tout lavi
Ayiti manman cheri
Se nan bra w pou mwen mouri !


Sous: Mosochwazi Pawòl Ki Ekri An Kreyòl Ayisyen
Editè: Jean-Claude Bajeux -Ëditions Antilla 1999

Post Reply