Leslie Manigat for President

[T-dodo]

FEBRUARY
8 February - Former Haitian President, Leslie Manigat, announced in Port-au-Prince on Monday his plan to participate in the general elections slated for the end of 2005. In his radio address, Manigat declared himself as the first presidential candidate. Noting many difficulties ahead for the country's democratisation process, Manigat said he was willing to make efforts to change the situations in Haiti. He also said that he would campaign in poor areas in the country to win the votes of the poorest Haitian people. Manigat, 74, took office as president on 7 February, 1988, but was toppled four months later in a military coup led by Lt. Gen. Henry Namphy. (UPI)

[Gelin*]

Se sèl <I>fotèy boure a</I> ki ka kalme apeti manigat. Si se pa sa, li pap janm dakò ak anyen menm ni jodi ni demen.

gelin

[Serge Bellegarde*]

Kanmarad,

Lè mwen fin li nouvèl sa ki anonse Manigat kandida, mwne paka anpeche tèt fè ti refleksyon sa.

Mwen sipoze tèks sa reflete ekzakteman sa Maniga di, kididonk, se sou map fè ti komantè sa yo.

Manigat said he was willing to make efforts to change the situations in Haiti.

1) Se sa yon kandida pour prezidan di: he was willing? Poukisa li pa di kareman: mwen pwal fè sesi, mwen pwal fè sela? Eske gen yon posibilite li te ka pa vle fè jefò? Lè angle di : I am willing , sa vle moun nan dispoze pou fè yon bagay. Men nan ka peyi Dayiti, se pa dispoze pou dispoze, se pou deklare ak tout fòs: Mwen pwal fè tèl bagay. Ou kandida pou dirije destine yon peyi, e non pa pou al achete yon machin!

2)

He also said that he would campaign in poor areas in the country to win the votes of the poorest
Haitian people.

Map di li ankò, mwen sipoze tèks sa reflete sa Maniga di a. Poukisa li blije di li pwal fè kanpay nan zon pòv yo? Eske se paske konsyans li pa trankil? Poukisa li pat di: Mwen pwal siyonen tout ti twou nan peyi pou mwen pale ak tout moun, tout sektè, pou mwen konen ki kondisyon yo, ki jan yap viv, kisa yo vle?

Eske sa vle di li pa gen entansyon fè kanpay nan zòn rich yo? Eske li panse ke fè kanpay nan zon pòv ap sifi pou likapab gen vòt moun sa yo? Maniga pa moun sòt, fòk li ka pale klè. Pèp as pase twòp!. Ou paka fèl pran lalin pou fwomay ankò!. Epòk sa pase lontan lontan.

Lè you nèg kandida, se pou konen byen sa wap pale. Antouka, si se sa kap tan nou, nou nan mera!.

Serge

[JGPalmis*]

Ban mwen di de mo nan koze kandida pou chèz boure a.

Ayiti gen yon tradisyon depi eleksyon parèt nan rad la, se gwo anons ak gwo pawòl w'ap tande kandida x, y ap fè. Yon ekip pawòl vid ki pa chita sou anyen ki gen arevwa ak pwoblèm peyi-a. Yo tout pral fè x, y, z pou retire peyi-a nan fè nwa. Tout chita sou obsèvasyon jeneral ke tout ayisyen ka fè. Y'ap bay moun ki krangou manje osnon yon alemye, sa k' san travay ap jwenn dyòb elt. Se konmsi se sa ki pwoblèm fondamantal peyi-a. Pinga ou mande yo ki mwayen yo pral itilize pou reyalize pwomès sa yo. Yo pap di w krik san yo pa mansyone èd entènasyonal. Ou gen tou Senpman pou fè l konfyans pwoblèm nan ap rezoud.

Tankou demele di nan kanaval li -a: yo tout poze!

Mesyedam politisyen etènèl sa yo, pa janm pran tan pou yo monte yon pwogram ki mete aklè espesifisite chak depatman enpi kisa yo pral fè pou pèmèt depatman yo gen yon alemye enpi avanse nan yon faz devlòpman. Yo chita
la-a nan Pòtoprens, Depi gen eleksyon yo pre pou y'al fè piwèt an pwovens... E pa piyay! Moun an pwovens yo tèlman sot y'ap pase rès lavi yo ap koute sendenden, pa vre! Yon ekip parese k'ap gonfle gagann yo nan Pòtoprens fè gwo diskou an franse pou LONU, LOEA , Jòj Bush, Chirak, Pòl Maten. Yo nan tout kalte konferans entènasyonal. Se sa ki pwogram yo, se frotman apre frotman enpi yo gonfle rezime yo pou pòs konsiltan apre eleksyon.

Mande yo ki pwojè yo genyen pou sid, Nò, Sant, Atibonit, wès, grand Ans Nip. Repons yo se yon ekip pawòl anlè ki pa gen anyen ki marye ak reyalite moun k'ap vin nan depatman sa yo.

Pawòl la di: Konn li pa di lespri! Pou gwo zentèlektyèl nou genyen, ki li nan gwo liv yo, ki konn demezi se filosòf Grèk, Ris, Fransè, Romen elt. Ki kapab fè analiz, dekòtike demezi se ti pwoblèm sosyal ak ekonomik ki genyen. Eske se delala yo fin delala. Se pa posib!

Reyalite peyi-a ap chanje anba je yo. Yo rete ak yon ekip mannyè depase akayik ki pa pèmèt pèsòn wè yon limyè t
èt bòbèch pou ta gen yon lespwa.

Serge, ni manigat ni lòt yo pap janm di otreman paske yo menm pèsonèlman konnen se sou blòf yo kanpe. Si se ta bòn entansyon ki tounen kritè pou vote yon prezidan. Tout ayisyen gendwa poze kandidati yo pou prezidan. Tout alawonnbadè, mwen menm tou, n'ap di w' nou vle yon demen miyò pou ayiti. Alòs sa l ye la, ou kwè moun ka pran politisyen sa yo oserye?

De tout fason ki eleksyon ki pral genyen la-a. Se pral yon similak paske gen twòp prizonye politik nan prizon. Se pral yon seleksyon pren ba.

Wouch pou yo!

[Serge Bellegarde*]

Kanmarad,

Yon sèl bagay mwen ka di, se sipòte sa w di a. Rezon ki fè mwen te fè ti komantè sa yo, se pou montre kouman sa "politisyen-entelektyèl" sa yo ap vid, pa gen sans , pa gen kontak ak reyalite a. e Manigat, se youn nan premye yo ladan. Se poutèt sa Kriz "leadership" la an Ayiti grav konsa.

Kenbe fèm!

Serge

[Leonel Jean-Baptiste*]

JG, mwen renmen sa w ekri yo.

Serge, ou ede m nan kòmantè w yo. Mwen pat janm wè detay sa yo. Maniga ak on pakèt lòt entelektiel an Ayiti, se Entelektyèl ki rete san kanson nan pozisyon "bend over". Vant o zanchè, sak vle piyay vinn pran. Entelektyèl ayisyen pou vann...

Nou pran ak bann "Je demande la parole" sa yo nan peyi a.

Who is next?
leonel