Zonbi - Felix Morisseau-Leroy

[guysanto*]

Felix Morisseau-Leroy

Zonbi

Depi m piti
m ap tande
yo di gen zonbi
m pa janm wè youn

pi ta y esplike m
zonbi se moun ki antere
san l pa mouri
yo detere l pou fè l travay
m reflechi
si l pa t mouri
fòk yon jou li mouri
m pa janm tande
y ap antere
yon zonbi ki mouri

se jodi m ap mache
nwit kon jou
nan tout peyi a
m pa janm kontre
ak yon zonbi bab pou bab
m pa janm tande
sa yo fè ak kadav zonbi ki mouri