Tanbou Gwo-ka nan Ewòp

Post Reply
Widy
Posts: 43
Joined: Sat Dec 30, 2006 2:35 pm

Tanbou Gwo-ka nan Ewòp

Post by Widy » Sat Oct 24, 2009 7:57 pm

Mezanmi,

Nou teke pe panse kè Gwadloupeyen ap viv nan Ewòp teke pèd ou oubliye kilti yo, e ben nou lwen dè sa.

Kounyela Sware Lewòz ka dewoule an Fwans menm biten ki Gwadloup. Se konsa kè Vendrèdi-la sa, asosyasyoun Kolibri òganize oun Lewòz, nan vil Clichy sous Bois pa bò Paris. Kote yo rele (Zone de non droit)
men Gwadloupeyen sèl kap rive enpoze kilti Afriken an.

Alòs kè piblisite pa fèt ni kominikasyoun pour sware yo, nèg sa yo rive menen pase 500 moun nan bagay yo.

Sa ki ka fè plezi wè, se de ti moun kounyela ki ka danse Gwo Ka tou bònman. Mwen pa janm kwè kè jenès Gwadloup te vayan konsa nan prezèvasyoun a Gwo-Ka yo.

Jòdijou se sèl pèp ki ka rive enpoze kilti tanbou yo a l'entènasyonal se Gwo Ka a Gwadloupeyen. Matiniken menm jòd la oblije konpoze ak nou piskè se yo menm ki ka monte gwoup a dans Gwo-ka ka fè tout jan manifèstasyoun ak Gwo-Ka.

Nou pe menm di kè kounyela se nou sèl, menm an kontan Afriken, ki ka pòte Kilti Animis Tanbou Afriken yo a wotè tala.

Menm Afriken ka rete koute nou lò nou ka jwe e se pousa kè plen moun si la tè ka koumanse di kè se Gwadloupeyen ki ni Sèkrè a tanbou-la e se yo sèl ki ka fè'y viv a nivo tala.

Plen dòt pèp ap fè oun travay pou tanbou yo tou, kon Ayisyen, Kiben, ou detwa peyi Afriken ki rive kenn doubout kilti Animis yo, men o nivo "Musique vivante" se Gwadloupeyen sèl ki rive nivo tala nan kilti la.

Yo ka fè Sware Lewòz yo, ka jwe tanbou yo nan tout pawk nan Fwans, pase nan fèt ou ka tann GWO KA, pase nan bwè e manje, gen Gwo ka, pase nan rasanblèman se-l ki la ankò...

Sa se oun valè kè fòk nou pran konsyans dè'l e rive a èsplwate'y pou pèp nou e limanite tou. Byensi nou gen plen travay a fè ankò piskè fò Mizik nou rive delivre mesaj-la kè li ni a fè pase-la, menm si plen moun Gwadloup poko pran konsyans dè richès a eritaj-la kè yo tini-la.

Widy

Widy
Posts: 43
Joined: Sat Dec 30, 2006 2:35 pm

Oun ti kèsyoun ba Editè-la

Post by Widy » Sun Nov 08, 2009 2:53 pm

Editè,
:shock:

Mwen teke vle mande-ou oun biten, plito oun klarifikasyoun.

Kidonk map jwet tanbou adan sa yo rele oun bale fòlklorik Gwadloupeyen, kote gen ti moun ka aprann danse gwo ka. Se oun bèl travay e mwen ka pòte kontribisyoun an mwen.

Sèpandan mwen rèmake kè pami tout se ti moun-la se yenki ti fi ki gen.

Piti ti moun se yenki fi e se manman yo ki ka mennen yo, gwoup pli gran-la se menm biten. An gwo si a pe prè 50 moun ka danse gen youn sèl gasoun.

Mezanmi si-m di zòt jan sa ka travay mwen, pou-m pe sa konprann.

Pwoblèm-la se kounyela, madanm ka fè yenki ti moun Fi, yo paka fè ti gasoun ankò.

Youn dòt kote mwen te tann kè kounyela, madanm ka fè plis ti fi e kè sa se a kòz a polisyoun, ki ka wouvin a di kè se a kòz dè polisyoun kè madanm ka fè ti fi e non pa ti Gasoun.

Editè, mwen te le sav ki biten ou ka panse dè sa e ki biten ka di la rèchèch sèlon ou ?

Widy

Post Reply