Jis ki lè ya sispann met BABOUKET nan djòl moun an Ayiti?

Post Reply
Leonel JB

Jis ki lè ya sispann met BABOUKET nan djòl moun an Ayiti?

Post by Leonel JB » Wed Jan 04, 2006 4:07 am

It is a shame!

Jis ki lè ya sispann met BABOUKET nan djòl moun an Ayiti?

Nèg sa yo, on pakèt ladan yo ke Aristide te resikle se te ansyen jandam. Yo dòmi pòv e yo leve rich! Tout moun konnen sak pase, men paske baboukèt la toujou nan bouch nou, nou paka di anyen.

Yo gen on bann moun. On bann sanginè pou yo arete. Rele sa on pakèt ti milyonè toudenkou. Nèg sa yo pa panse lòt jan, yo gen gang yo pou asasine moun ki nan chimen yo.

Kilè pou baboukèt sa sòti?

Nou gen on premye minis (Made in USA) ki gen on neve l ki nan tout sak pa sa. Eske yo arete l? Nou gen on pakèt ansyen kriminèl kap sikile san arestasyon pandan ke kidnaping se youn nan pi gwo biznis kounyè ya. Mwen ta renmen konnen eske tout jwèt kap jwe an Ayiti kounyè ya se pa TONTON SAM
kap peze bouton an?

Dayè, se yo ki achitèk gouvènman DeFakto sa!

Nou paka pale. Nou rete bèbè sou konn tibebe de jou. Ala kot moun yo mechan. Pi gwo krim ke yo pini se POLITIK... Tout bagay ap mache devan dèyè. WOW!

Jiska kan, ke na mèyè ouvri bouch nou?

Depi lontan, je wè bouch pe. Depi moman endepandans, rive sou Bonifas.

Lè ou konprann pèp la vote pou on prezidan pou bagay yo te ka chanje, se pi rèd. Se te on pakèt enkonsyan kap itilize pèp pou yo avanse on ajanda. Yo te konn ap kritike Divalye, tandiske yo fè menm penpenp lan. Tout antouraj sekirite yo chaje ak Greenbak. Adje, kilè pou baboukèt sa sòti?

Nou bezwen sa yo rele Transparans nan tout bon. Kote lap difisil pou on nèg ap rantre milyon san ou pa bay detay sous li. Lè sa na reyèlman mache vè le pwogrè. Peyi a ap kapab itilize sistèm fiskè li kòm sa dwa.

Si nou vle mande de twa nèg sa yo kote yo jwenn ak tout kòb ke yo genyen sa, nap prè pou
yo touye n. Mande lè Tòti kote yo pran kòb sa? Mande Dany on ti eklèsisman sou biznis li an? Mande ti kaporal kap achte on semi mansion sa yo kote yo jwenn ak ja sa? Mande ansyen sekirite Aristide kote l jwenn ak milyon sa yo? Pa tap gen plas nan prizon...

Li pi bon pou al nan politik an Ayiti, paske sa rapòte pase Real Estate.

Nou paka pale. Paske nou gen on Baboukèt ki pi rèd pase pa bourik la. Nou tout gen on grenn zanno kay òfèv. Nou gen on fanmi ou zanmi ki tap ou ap jwi privilèj Byen san Swe sa.

A la ti fanm gen pou l pase mizè se Ayiti!!!

leonel

Post Reply