#00F - Copa América Final: Who will win?

Post Reply
User avatar
Guysanto
Site Admin
Posts: 1289
Joined: Fri Mar 07, 2003 6:32 pm

#00F - Copa América Final: Who will win?

Post by Guysanto » Thu Jul 12, 2007 8:41 am

Copa América Final: Who will win?


The final will be played Sunday night. So, I would like to see some predictions: Who will win?

For Leonel however, it's a different question: Argentina will beat Brazil by how many goals? And another: will Leonel Messi be the MVP of the tournament?


Leonel, si Brazil kale, m'a pote yon ti te vèvenn pou ou!

Jgpalmis
Posts: 65
Joined: Mon Jan 01, 2007 11:02 am

Post by Jgpalmis » Thu Jul 12, 2007 12:14 pm

Baboukèt la tonbe pou mwen

Sa se premye bagay m'ap di. Mwen pat rive konprann pouki mwen pat ka pale nan lakou-a. Anvan nou kite tout lòt vye lide pase nan tèt nou, banm kouri di admin i te kontakte mwen pou li mande mwen sak pase: èske m'ap fè yon kanpe sou patisipasyon mwen sou fowòm nan. Mwen te eksplike li pwoblèm mwen.

Jounen jodi-a mwen reenstale "browser" mozilla mwen olye sa ki gen logo ti ronn jòn lan, mwen pran gwo M bleu-a. Mwen rive konekte san pwoblèm nan haitiforever.com. Mwen pral teste lòt fenèt yo pou m' wè si tout bagay ap koule tankou lwil.

Bon se nan seksyon espò mwen ye. Antan gwo fanatik brezil (tout ekip brezil yo) jenn tankou piti, mwen pa gen pwoblèm pou mwen pale ak fanatik lòt ekip. Mwen te gade match ekip Brezil nan lakou Ottawa, Josemer Altidore kale ekip mwen an. Mwen kontan pou li.

Pou Copa america menm. Pito m' tann match final la. Ma fè kòmantè apre chanpyona-a.

M'ale

Guy m' nan lakou-a

Palmis

Serge
Posts: 318
Joined: Mon Jan 01, 2007 10:39 am

Post by Serge » Thu Jul 12, 2007 1:21 pm

Malgre mwen se gwo fanatik Brezil, mwen blije admèt ke ekip sila, mwen konsidere li tankou yon "pepinyè". Nan 3, 4 lane, ekpi sa pwal en kano. Men pou koulye, mwen konta wè yo rive kote yo rive a. Mwen pat espere sa.

jan mwen wè ekip Ajantin lan bimen Mexique la, Brezil mèt ranje kò li. Mwen ta renmen wè li kale Lajantin byen kale, men map di franchman mwen panko wè ki jan li pwal fè sa. antouka, an nou tan dimanch 4 h.

Na kominike apre.


Serge

Leoneljb
Posts: 222
Joined: Fri Dec 29, 2006 10:29 pm

Post by Leoneljb » Fri Jul 13, 2007 6:46 am

A peine si les plus justes seront sauves!

Se pa de en bimen ke Ajantinn pwal bimen ti ekip maren sa yo. Yo mEt sote ponpe, antEman an pou katrE kanmenm...

Ekip Ajantinn sa'a se li ki te sipoze jwe nan koup di monn nan. Men, vakabon yo rele Pekerman nan, pat mete Veron ak Zanetti paske yo se de bon zanmi. E, Veron te batay ak Solin. Misye te comEt oun pakEt erE lE li pa mete Messi, Crespo ak Tevez ansanm nan match Almay nan...

Se domaj, ekip sa'a gen de twa nEg ki pap kab jwe next koup di monn nan. paske yo gentan travEse trantEnn yo. Se domaj kifE domaje.

Antouka, pou Bresil genyen, fOk li jwe defans sElman esperan ke match lan ap rive nan penalty.

Mwen pa kwE istwa David ak Goliat nan posib ditou. Mwen konnen ke Bresil se youn sEl ekip li vle jwe kont se Ajantinn. Men, sorry, nimewo sa twO gwo pou pye brezilyen yo!!!!

Leonel

Tidodo
Posts: 117
Joined: Mon Jan 01, 2007 9:07 am

Post by Tidodo » Sun Jul 15, 2007 11:03 am

Tankou Palmis, mwen gen lè finalman rezoud pwoblèm Firefox lan. Liwoni lan tout pawòl sa, se Guy ki te entwodui mwen lan Firefox.

Lan pawòl foutbòl lan, se pa de sezi mwen sezi li kòmantè fanatik Brezil yo. Se premye fwa mwen wè yo tout lan cache! Gen lè 5 etwal lan fè yo tout sou. Yo pa di sa yo abitye di lè ge yo klè!

Sepandan, etan dòne ke mwen menm se "kontrèryen" mwen ye, m abitye sipòte ekip ki gen mwens siksè an, kidonk Ajantinn. Men, kòmantè fanatik Ajantinn fè m mande si yo pa gen twòp konfidans. Paske, match lan se yon match kap trè di, e Ajantinn bral gen anpil pwoblèm ladan l. Mèm si gen de twa sipèsta ki pa la soukote Brezilyien yo, gen yon bann gwo jwè ki la toujou. Malgre ke gen de twa ladan yo, tankou Robinho, ki poko janm konprann ke foutbòl lan se yon jwèt kolektif li ye. Mèm si Ajantinn, daprè sa mwen wè, gen anpil chans pou l genyen match lan, li ka rive lan penalite. Men, sa pa ta etone m ke match lan sanble ak premye mitan match Ajantinn/Meksik lan. Lan final, mwen prevwa Ajantinn ka pi efisyan "efficient" lan match lan e ka genyen l, ke se lan penalite ou pa.

Serge
Posts: 318
Joined: Mon Jan 01, 2007 10:39 am

Post by Serge » Sun Jul 15, 2007 3:36 pm

Tidodo,

Rete apreprè 25 minit anavan lè verite a . Na wè. Mwen pa konen si wap gade match Chili-Nigeria , kateori mwens pase 20 lane. Bèl match. Men Chili ap menen 1 - 0, men li klè gòl Chili se abit la ki bay oli, paske jwè te "off side". Nou pwal nan dezyèm mita lè siplementè a pou 15 lòt minit.

Mon chè, mwen kwè nan 3 lòt lane, nou pral gen yon jenerasyon jèn jwè foutbòl nan tout peyi. Se pwal bèl bagay nèt. J[en ti jwè sa yo anfòm tout bon! Nèg pap konen ki ekip pou chwazi alavans pou genyen. Na pale pita.

Serge

Tidodo
Posts: 117
Joined: Mon Jan 01, 2007 9:07 am

Post by Tidodo » Sun Jul 15, 2007 4:50 pm

Serge,

Less than 10 mins into the game, Brazil just scored through Baptista. But the author of the goal was really Elano. His pass to Baptista, about 65 yards if you believe Ray Hudson, was as perfect of a long pass as you can see. And Baptista made a shot, equivalent to a winner in tennis, that the Argentine goalkeeper could do nothing about. Unfortunately, 33 minutes into the game, Brezil lost his best player on the field, Elano, to injuries. Brezil will likely not be the same team for the rest of the match.

Sorry, but I was wrong! As I typed this message, Ayala scored an own goal and Brezil is 2-0 against Argentina. What a second half it should be! But as usual, Riquelme is disappointing. The first open goal he should have scored, it missed it reducing Messy to try to play like Robinho. And of course, Veron is playing like he normally plays, below his inflated reputation.

Leoneljb
Posts: 222
Joined: Fri Dec 29, 2006 10:29 pm

Post by Leoneljb » Sun Jul 15, 2007 5:09 pm

Poko panike. Mwen konprann jan Dunga apwoche jwEt la. Men, mwen poko panike. Mwen toujou bay bon prediksyon. Men, gen lE mwen fE flay menm jan ak tout lOt ekspE yo...
An sib, paske brezilyen yo ap bare. E a la swit, yo pike devan. Se youn trE bon estrateji ke ajantinn sipoze contrecare si yo vle tounen back nan jwEt la'a.
Leonel

Jgpalmis
Posts: 65
Joined: Mon Jan 01, 2007 11:02 am

Les plus justes ont un pied en avant...vers la sortie victorieuse qui sait?

Post by Jgpalmis » Sun Jul 15, 2007 5:11 pm

Mh! Tidodo,

Lionel...So far cher ami, les plus justes semblent vouloir se sauver avec le trophée... :D

I am speechless.


Na pale apre match la.

Jgpalmis
Posts: 65
Joined: Mon Jan 01, 2007 11:02 am

Now Lionel talk to me

Post by Jgpalmis » Sun Jul 15, 2007 6:01 pm

Brazil 3 Argentina 0

Copa america Champion under the leadership of coach Dunga. Les ceptiques sont confus.


Let's the game begin.!

User avatar
Guysanto
Site Admin
Posts: 1289
Joined: Fri Mar 07, 2003 6:32 pm

Post by Guysanto » Sun Jul 15, 2007 6:19 pm

[quote]A peine si les plus justes seront sauves![/quote]
oh!

[quote]Se pa de en bimen ke Ajantinn pwal bimen ti ekip maren sa yo. Yo mEt sote ponpe, antEman an pou katrE kanmenm... [/quote]
oh!

[quote]Ekip Ajantinn sa'a se li ki te sipoze jwe nan koup di monn nan. [/quote]
oh! oh!

[quote]... ... ...[/quote]
anmwe!


[quote]Antouka, pou Bresil genyen, fOk li jwe defans sElman esperan ke match lan ap rive nan penalty. [/quote]
woy!

[quote]Mwen pa kwE istwa David ak Goliat nan posib ditou.[/quote]
Fok ou kwe nan Labib wi!

[quote]Mwen konnen ke Bresil se youn sEl ekip li vle jwe kont se Ajantinn. [/quote]
Mwen pa konnen pou ki sa!

[quote]Men, sorry, nimewo sa twO gwo pou pye brezilyen yo!!!![/quote]
Ou kwe yon sel te vevenn sifi?

Se pase m'ap pase! Mwen soti Charlotte, mwen pase Washington jis atan pou mwen we yon ti ekip bimen yon gwo ekip. Mwen pa konnen non ekip yo. Lele, di'm sa yo ye souple. Mwen sou wout Noujeze nan dis minit. Map jis pran tan pase nan jaden zanmi mwen pou m grap de twa fey venvenn.

oh! oh! oh!

Jgpalmis
Posts: 65
Joined: Mon Jan 01, 2007 11:02 am

Post by Jgpalmis » Sun Jul 15, 2007 10:55 pm

Ala yo sa !
Ala yo sa !

Lè yo rele lwa yo se pa Hogu ki monte chwal la

Ala yo sa!
Ala yo sa!

Jete dlo, jete dlo men fòk ou konn kijan si w pa inisye.
Men Lele di li wè pou ti ekip la. antèman te a 4è

Apre 4 è gen yon lwa bèbè k' monte Lele

Ala yo sa!

Se dòmi m' t'ap dòmi leve mwen leve lespri-a di mwen ekri kantik sa pou Lele .

Bresil champion Copa America.

Tidodo
Posts: 117
Joined: Mon Jan 01, 2007 9:07 am

Post by Tidodo » Mon Jul 16, 2007 7:22 am

[quote]Poko panike[/quote]

M espere ou te gen anpil Valium lan kay lan yèswa! Si se yon konsolasyon pou wou, fò Bazile pèdi djòb lan. Dunga sanble avèk yon ti geni wi kounye a. Ajantinn bezwen yon antrenè tankou Dunga ki kab pran responsablite mete jenn jwè ki ka pwodui, olyede veteran tankou Veron e Alaya ki bezwen retrèt yo lan ekip Ajantinn lan. Jenn jwè Brezilyien yo yè, tankou Wagnè Love, Baptista, avèk Alves, montre ou ke granmoun Ajantin yo paka kenbe lan kouri avè yo. Defens Ajantinn, sitou Ayala, se degajman an katastwòf sèlman yo tep fè yè kont jenn timoun Brezilyien yo. M kwè kounye a, fanatik Brezil yo a finalman montre respè pou Dunga e sispann reve de tout Primadona ki lan ekip lan, ki dèfwa fè ekip Brezil lan sanble avèk ekip Ajantinn montre yèswa a.

Serge
Posts: 318
Joined: Mon Jan 01, 2007 10:39 am

Post by Serge » Mon Jul 16, 2007 11:06 am

Fòk mwen di laverite.

Malgre se gwo fanatik Brezil mwn ye, franchman, lèw mwen te kon wè jan lajantin jwe, mwen pat kwè Brezil te ka kale li Pa paske li pa gen talan, men paske ekip sa jèn e manke eksperyans sa dapre mwen.

Men, alakontan mwen kontan mwen te mal wè bagay. Leonel, mwen byen regrèt sa.

Ayè nan aswè, mwen tap koute Radyo Soley. Guy Delva te nan mitan yon veritab kanaval: tapay nan lari a, mizik, pawòl anpil. Nan tout lari a, sete "Viv Brezil!, Viv Brezil". Guy Delva di moun pat kapab sikile .

Serge

Leoneljb
Posts: 222
Joined: Fri Dec 29, 2006 10:29 pm

Post by Leoneljb » Mon Jul 16, 2007 3:40 pm

Mwen pran te vEvenn nan depi apre dezyEm gOl nan.

Ajantinn pat ka fE otreman ke atake ak tout resous li ki mete defans nan a la kiye piblik.

Mwen remet demisyon'm kOm pi gwo prediktE nan Ann Pale. Mwen te panse ke Ajantinn t'ap gere pike devan an pi byen. Mwen te panse ke yo tap jwe ak tout defans yo e de mitan teren at least. Men, yo bay match nan depi nan kat minit. Se te kOmansman dezas la. Paske, Football pa baseball. GOl yo se youn pa you ke yo eskO. Oun ekip paka fE kat gOl oun sEl kou. Kidonk, lE oun ekip make youn ak de gOl sou ou nan youn final sitou. FOk ou atake pou'w redui esko'an. Kidonk apre dezyEm gOl mwen panse ke David kale Goliath vre.

Dunga te gen youn pi bon estrateji. men sa pa vle di li pi bon non. Paske, se pa de brezilyen ki pa't renmen chwa misye kOm antrenE. Li antrene menm jan ke li te jwe. Anpil Pye, bare, epi pike devan. Estil sa'a li mache pou Amerik. Men, nan Mondyal kote se estil ewopeyen, li better varye estil la.

By the way, apa'm te anvayi ak brezilyen. JG, Guy, Serge, Tidodo, Shelony, talE menm Michel ap vinn nan kO'm tou. Men, nou pa't di youn mo anvan match... Se apre kabwEt kole, nou konn non bEf yo :lol: :lol:

Leonel

User avatar
Guysanto
Site Admin
Posts: 1289
Joined: Fri Mar 07, 2003 6:32 pm

Post by Guysanto » Tue Jul 17, 2007 7:12 am

Lele, mwen pa pran nouvèl la byen. Ki ekip ki chanpyon? Ki ekip li bat? Konbyen skò la ye? Se nan bouch ou sèlman pou m tande pou m kwè.

Tidodo
Posts: 117
Joined: Mon Jan 01, 2007 9:07 am

Post by Tidodo » Tue Jul 17, 2007 9:05 am

[quote]By the way, apa'm te anvayi ak brezilyen. JG, Guy, Serge, Tidodo, Shelony, talE menm Michel ap vinn nan kO'm tou. [/quote]

Leonel, monchè, mwen pataje doulè lan rivalite brezilyien ak ajantin an. Oumenm avè m nou lan menm kan. Diferans lan sè ke se pou yo revoke Basile pou move strateji. Se li ki pèdi match. Dunga bat misye devan dèyè.

Mwen pa dakò avè w sou jan ou te wè match lan. Makaj brezilyen yo fè sou Messi, Riquelme avèk Tevez dekontrole yo sou lepwen ke Messi vinn pèdi konfyans lan lòt jwè yo, sitou Veron. Sa vinn fòse Messi pou lap eseye pase lan mitan twa jwè bresilyien alafwa, olyeke li eseye pase balon an bay yon lò jwè ajantin. Se rezilta gwo strateji Dunga a, ke oun fwa li destabilize mitan teren Ajantinn an, Brezil vinn kontwole tout mwatye teren pal lan epi li ka vinn viv sou dagajman Vagner Love ak Elano ki pèmèt spektakilè pas ke li bay Baptista an avèk pas bay Alves lan.

Lòt pwoblèm lan, mwen te eksplike l lan youn post avan sa. Dunga bat Basile pou vitès jwè l yo ki pi jenn, e ki pa primadona, konparativman a "senior citizens" Basile yo: Veron, Ayala, Zanetti, etc. Messi bon, men li bezwen ankadreman jenn jwè tankou l. Anplis, Tevez ak Riquelme deja montre ke lan gwo match, siotu lan koup dimond lan, yo febli e yo paka reponn. Ajantinn bezwen yon entrenè ki pral prepare jenn ti jwè - ou wè gen anpil deja lan under 20 ekip lan - ki ka kouri ak jenn bresilyen yo e lòt jwè ewopeyen yo. Men si yo kontinye kenbe Basile, ou mèt al kòmanse ranpli sousòl lakay ou an ak fèy venvenn. Ajantinn pap ka pèfòme lan match final gwo tounwa yo.

Jgpalmis
Posts: 65
Joined: Mon Jan 01, 2007 11:02 am

Post by Jgpalmis » Tue Jul 17, 2007 6:20 pm

Mwen pap rantre nan koze konsiderasyon fanatik ajantin men sèlman sa m'ap di mwen pa wè pouki Tidodo lage tout pwoblèm nan sou do Basile. Eske se paske fanatik Ajantin pa vle rekonèt peenpòt kondisyon ekip Bresil la kanpe depi se anfas Ajantin bwa-a ap toujou mare pou yo.

Retire Basile pa retire Basile Ajantin sipoze al reantrene pou li vin jwe boul ak Brezil. Bon ! yon ti konsèy fòk ekip Brezil la ouvri yon kan fòmasyon pou fanatik li yo. ti kou a se Imilite 101. Premye elèv mwen sigjere pou al nan klas sa-a se Lele, dezyèm la se Ti dodo. Lè Brezil ap bay men kou-a mwen al ladan. Ann atandan kite mwen ponmen zèl mwen

Palmis :lol:

Leoneljb
Posts: 222
Joined: Fri Dec 29, 2006 10:29 pm

Post by Leoneljb » Tue Jul 17, 2007 6:37 pm

Wa rete, se bon!
Apa Guy retire sa'm te ekri anvan an. Mezanmi, apa brezilyen yo ap boykote'm...
JG, vwa'w gra. Mwen pat tande'w menm. Kounye'a w'ap ponmen. Jou va jou vyen, na kontre ankO. Oudimwen m'a voye Mexique asasinin'w ankO :lol:
Leonel

User avatar
Guysanto
Site Admin
Posts: 1289
Joined: Fri Mar 07, 2003 6:32 pm

Post by Guysanto » Tue Jul 17, 2007 9:15 pm

Ki sa mwen retire a papa? Sanble se pa match la sèlman ou pèdi!

Anacaona
Posts: 32
Joined: Sun Dec 31, 2006 12:17 am

Post by Anacaona » Tue Jul 17, 2007 10:25 pm

Mezanmi, apa nap goumen. Ou pa wè mwen pa pale ditou. Mwen menm se sèlman final la mwen te gade paske mwen tap prepare you gwo dosye pou lekòl la. Donk, mwen te oblije rete lwen zafe football la.

Leonel, m santi soufrans ou. Se konsa mwen te ye an 98 lè lafrans te bimen Brezil. Kidonk, pran kouraj, you jou wa triyonfe tou. Sèlman kounye ya kite fanatik Brezil yo triyonfe.

Ana!

Bouli

Post by Bouli » Wed Jul 18, 2007 6:17 pm

Ki bagay sa, nèg fin ranje kò yo pou gade you bèl final foutbòl. Trouve se gade jwè Ajanten yo te vin gade match la tou. Oukwè se vann Ajantin ta vann match sa?
Sanble se pa fanatik Ajanten sèl ki pèdi, fanatik foutbòl yo pèdi tou. Nou panse boul la ta pral sikile nan tou de filè yo. Nad, Brezil manje tout marinad.

M'pa konn si se Dunga ki montre jwè-l yo jwèt Ajanten an oubyen si se jwè Brezilyen yo ki li jwèt Ajanten an poukont yo. Nou te ka wè kijan Brezilyen yo te li pifò pas Ajanten yo te vle fè sou teren an. Se konsa nou te konstate Brezil te gen kontwòl jwèt la depi siflèt la koumanse match lan jouk sa kaba.

Mwen te fin kwè ekip Brezil sa te se you ekip maren tou, men Ajantin fè-m chanje lide-m. Malgre ekip sa chamyon si se mwen ki te nan plas Dunga m'ta bay Love jwe you sèl mitan. Malgre se misye ki Mennen premye gòl Brezil lan nan kòmansman match lan.

Leoneljb
Posts: 222
Joined: Fri Dec 29, 2006 10:29 pm

Post by Leoneljb » Wed Jul 18, 2007 7:43 pm

Etan done mwen bay demisyon nan Ann Pale kOm prediktE FoutbOl. Men, fOm di nou se pa konsa non bagay yo te ye tout bon. Mwen te fE oun gwo erE kote mwen te kite emosyon fEm pa bay oun bon prediksyon.
FOm Omanse ak Tidodo. Se pa paske Ajantinn vinn ak oun ekip granmoun kOm ou di ki fE yo pEdi. Men, KOm Baptista di nan entEviou ke'l fE aprE match. Li deklare ke match la te ka ale the other way. Yo menm, yo te vinn ak oun systEm trE defansif ki fokis sou Riquelme ak Messi. CE ta di, genyen de moun at least ki ap veye de nEg sa yo depi yo gen boul nan pye yo. Pandans tan, yo kite oun mitan teren ki kapab lanse boul la nan kont atak pou Baptista ak Robinho. Fortunately, li mache nan kat minit de je. ki vinn fOse Ajantinn atake plis pou'l egalize. LE sa'a, li vinn kite ke Milito ak Ayala pou defann. Se konsa jwEt sa jwe. Si ou atake ou pa eskore. Ou bay lOt ekip lan plis chans pou'l make.
Se oun sistEm ki le pli souvan mache lE ou ap jwe kont oun ekip ofansiv. Se oun estil ke Itali adopte depi lontan. Kote li kapab fE match nil ak oun ti ekip. Men sepandan, si se oun gwo ekip, li gen plis chans bat.
Mwen sonje wE sa tou ak repiblik Tchek kont Danmak nan koup dewOp. Kote opwen de vi endividyEl ak kolektif, Danmak te siperyE. Men nan match la Tchek yo aplike menm teknik sa'a. Yo kite Nedved nan mitan teren ki lanse boul la pou Barros ak Kohler an avan lE gen oun Fast Break.
Nan Match lOt jou'a, Brezil parEt kOm oun underdog. Kidonk li te kapab aplike taktik sa'a paske li pat gen anyen a pEdi. Donk, entimide jwE Ajantinn pa komEt oun pakEt fot, e itilize long ball pou kont atak.
DaprE baptista ankO, menm lE yo en zewo, jwEt la te kapab vire lE Riquelme rate de gOl ke youn nan yo te frape nan poto.
Donk, mesye, kounye'a nou tout ki te kache, ap kouri louvri gOj nou laj. Men kote nou te ye? Ala traka papa! KifE tou den kou, nou te wE Brezil jwe bEl foutbOl etsetera... Mwen dakO ke Brezil te gen oun taktik ki pi pratik. Men, mwen pa panse ke yo te jwe ke sa. Etan done koup la nan men yo. Mwen dakO ke jwEt Dunga'a ki tipikman Dunga. Men, pa panse se youn stil ke Brezil ap adopte estil sa'a. Paske, se oun estil ewopeyen. Li pa sid ameriken.
Se domaj ki fE domaje. Gen lE se pou Mexique te jwen avE Brezil pito, pou'l te kOche'n ankO :lol: :lol: .
Ana, apa'w te vivan toujou. Sa se restan Bouli, paske mwen pat jan'm tande'l anvan. Kounye'a, yo tout ap sot anba tE aprE yo te rantre apre ronf Mexique la :lol: . Antouka, mwen kontan wE ke nou back!
Nou pa gade koup di monn U-20 nan Kanada'a. Brezil, ABSAN!!!!!
Leonel

Tidodo
Posts: 117
Joined: Mon Jan 01, 2007 9:07 am

Post by Tidodo » Thu Jul 19, 2007 6:56 am

[quote] Yo menm, yo te vinn ak oun systEm trE defansif ki fokis sou Riquelme ak Messi. CE ta di, genyen de moun at least ki ap veye de nEg sa yo depi yo gen boul nan pye yo. Pandans tan, yo kite oun mitan teren ki kapab lanse boul la nan kont atak pou Baptista ak Robinho. [/quote]

Leonel,

Pa gen anyen nouvo osijè taktik sa. Premyèman, Basile pat prevwa l, pouli te mete lòt jwè pou Messi fè pas bayo, olye ke Messi eseye pase lan mitan twa defansè Brezilyen. Se la w ou wè ke Messi pa gen eksperyans, se yon jenn jwè li ye. Dezyèmman, lè yon defans voye twa jwè sou yon atakan, ekip li oblije abandone defann yon lòt zon ke twa atakan sa yo tep defann. Se yon gwo risk li ye. Ajntinn pat explwate feblès sa ditou. Olye de sa, yo - Messi, Riquelme, Tevez - eseye enpoze fòs individual e taktik yo ki tonbe devan fòs twa defansè Brezilyen. Mesye Ajantin yo bon, men yo pa osi bon ke sa. Dayè, mwen pa konnen oken group jwè foutòl dan le mond antye jodi a ki ka fè explwa sa. Repons lan se voye lòt jwè al explwate twou vid makaj defansif lan kite.

Deplis, malgre makaj sou Riquelme an, misye te genyen anpil opòtinite poul te fè gol ke li rate. Kidonk, makaj la poukòl pa detèmine rezilta match lan. Se abitid Riquelme pou li pa briye lan gwo match. Si Manchester United pran l, sa pap etone m ke abitid sa kontinye. Paske, lan Koup di Mond 2006 lan se te menm bagay lan. Misye te desi mwen anpil.

[quote]Li deklare ke match la te ka ale the other way. [/quote]

Tout match a nivo sa toujou trè konpetitif e ka ale anfavè nempòt ki ekip, paske souvan se lan penalite yo fini.

[quote]Mwen te fin kwè ekip Brezil sa te se you ekip maren tou, men Ajantin fè-m chanje lide-m. Malgre ekip sa chamyon si se mwen ki te nan plas Dunga m'ta bay Love jwe you sèl mitan. Malgre se misye ki Mennen premye gòl Brezil lan nan kòmansman match lan.[/quote]

Mwen pa konprann kritik ou fè de Love lan! Misye jwe yon bèl match lan defans e ofans. Dayè, mwen te konprann ke se Elano ki te fè pas 65 yad lan bay Baptista pou yo te fè premye gòl lan. Love, sou lèl goch lan anjandre dezyèm gòl lan, lè li pran boul lan depi lan teren Brezil lan aprè yon kontatak, li travèse lijn medyan lan, drible yon jwè epi fè pas la lan kare reprasyon an bay Alves ki fè gol lan. Petèt mwen konfon bagay yo. Fèm konnen.

Tidodo
Posts: 117
Joined: Mon Jan 01, 2007 9:07 am

Declarations from Dunga, Brazil's Team Coach

Post by Tidodo » Thu Jul 19, 2007 1:19 pm

[quote]15/7/2007 - Dunga dedicó el título a los niños del mundo
El DT de Brasil y un emotivo discurso


AFP
Maracaibo – Dunga, el seleccionador de Brasil, atribuyó al trabajo y sacrificio de sus pupilos el título de la Copa América Venezuela 2007, luego de vencer por 3-0 a Argentina en la final, este domingo 15, y dedicó la conquista a los niños en situación de indigencia.

"Esta consagración es para los niños de Sudáfrica, Ruanda, Palestina, Israel, Brasil y todo el mundo para contribuir a llenar de amor sus corazones, llenos de pureza, sin maldad y que anhelan la felicidad, la paz y un futuro mejor", señaló el DT en la conferencia de prensa posterior al juego.

Asimismo el novato timonel, de 43 años, negó que se tratara de una estrategia declarar a viva voz que Argentina era el favorito a la corona. "Por lo demostrado en los partidos anteriores, por los goles que marcó y por el rendimiento de sus individualidades era el favorito, pero la final es un solo juego de 90 minutos y se resuelve en favor del equipo que sepa hacer mejor las cosas en ese lapso", apuntó el conductor del 'scratch'.

Consultado respecto de las falencias del rival y las virtudes de su equipo, Dunga consideró "una falta de respeto decir lo que le faltó a Argentina, porque es una selección muy grande". Sin embargo, explicó los aciertos que guiaron a los 'canarinhos' a su octavo cetro del certamen más antiguo del mundo a nivel de selecciones.

"Cada entrenador conoce las opciones que tiene dentro de su plantilla y en esta ocasión la fortaleza del ataque fue una de las armas decisivas que nos permitió responder a las expectativas", indicó. Dunga observó que Brasil "fue creciendo en plena competición", pero dijo que desde el principio hasta el fin su volumen de juego le permitió crear "varias chances de gol".

Tras conquistar el primer título como entrenador, Dunga ponderó la jerarquía de sus jugadores e indicó que "si llegaron hasta aquí es porque son vencedores y el 3-0 es absoluto reflejo de ello", pero muy especialmente "el premio al trabajo y a la humildad".

Finalmente fundamentó la inclusión de Daniel Alves, para quien "era el momento oportuno para enviarlo a la cancha porque Argentina estaba dejando espacios y él tiene progresión, velocidad y llegada". Alves, quien reemplazó a Elano al minuto 34 por lesión, convirtió a los 69 para registrar la goleada sobre Argentina. [/quote]

Jgpalmis
Posts: 65
Joined: Mon Jan 01, 2007 11:02 am

Post by Jgpalmis » Thu Jul 19, 2007 3:59 pm

Ok mwen rann mwen kont fanatik Ajantin yo fè bèl analiz teknik sou final Copa america. Menm lè tout konsiderasyon ak eksplikasyon sa yo fè anpil sans pou mwen , li rete klè gou chanpyona sa pa gen menm gou nan bouch mwen tankou li genyen nan bouch lòt fanatik foutbòl (ou wè mwen pa site non) se paske.... Bon, genlè, Fanatik lòt ekip la ta menm anvi mande mwen pou mwen pa rejwi la-a. Pa vre Lele, w'ap voye Meksik pou mwen, m'ta byen kontan wi men malerezman se pa tankou nan bòks. N'ap sètoblije tann lè gen yon lòt tounwa entènasyonal ou byen yon match amikal. 2010 petèt si Meksik ak Brezil pase....ou kontan gad sa m' di... :)


Tidodo ou gen rezon se Love ki te koupe teren-an (liy medyan lan) pou l'al fè pas la lan linèt ki te genyen ant de defansè Anjanten yo bay Alvès ki make gòl la.

Koulye-a, Eske Brezil ap kenbe estil foutbòl sa-a. Mwen pa konnen, men pandanke se Dunga ki antrenè-a, mwen panse nou mèt kòmanse abitye tèt nou nan wè Brezil jwe sistèm defansif sa-a. Dayè, tout pandan y'ap kritike Dunga-a. Nan repons li yo, gen yon zanmi mwen ki di m' li reponn: "Si nou konnen se nan foutbòl ti chèlbè roule boul n'ap rete, Brezil pap genyen okenn chanpyona nan konpetisyon entènasyonal k'ap genyen nan 10 ane k'ap vini yo. Bon misye ka pa reyisi menm jan li ka reyisi tou si li kite plas pou aspè endividyèl yo rekonèt nan foutbòl Brezil la.


Gen boul k'ap woule O Brezil men mwen pa gen chans wè okenn nan match yo. Mwen konnen Ayiti te fè match Nil ak Ajantin enpi li pèdi devan Kolonbi 1-0 nan jwèt panameriken an. Mezanmi Jamyik kale ajantin 2-0 nan panam, Lele Tidodo ak lòt yo, sa k'ap pase konsa kay vwazen ?

Bouli

Post by Bouli » Thu Jul 19, 2007 6:10 pm

Tidodo,
Anwetan final la, Brezil te jwe tout chanpyona tankou you ekip maren. Al fE you lOt kout je ankO pou wE. Menm fanatik Brezil yo te panse yo ta pral kenbe kE yo nan men yo pou final la. Pa vre Jude?

ProfEt Lele, nEg te gade de twa match ki fE-m te ka pran chans di de mo apre chanpyona. Tele Santana
antrenE Brezil nan mondyal 82 an te fE-m sispann metye fanatik ankenn ekip ki pa Ayiti. Depi mondyal 82 an
si se pa Ayiti k'ap jwe m'vin fE tripotay gade bEl mEvEy. DaprE sa-m te obsEve nan dEnye minit match Brezil
ak Iriguey a, Brezil te gen ase jwE sou ban pou-l pa-t rive nan penalite epi Love te plis sanble you defansE k'ap
degaje boul pou Iriguey menmjan ak Seginio pou Itali an 82.

M'panse Dunga te gen plis chans ak ekip sa pase si-l t'ap eseye fE Brezilyen k'ap evolye en EwOp yo jwe menm taktik sa.
Nou konn kijan RobEto CalOs ak Kafu renmen monte kite pOt dEyE yo louvri! Se t'ap bEl mEvEy nEt.

Jude ou mEt site non jan ou vle. Mwen te plis vle you peyi tankou Venezuela, Panama fE you kout bEk, men se sou chElbE
yo te ye.

User avatar
Guysanto
Site Admin
Posts: 1289
Joined: Fri Mar 07, 2003 6:32 pm

Post by Guysanto » Fri Jul 20, 2007 6:45 am

Sanble Ajantin yo pase raj yo sou Chili.

Mwen regrèt mwen pa wè match sa. Dapre atik la nèg yo fè bèl mèvèy sou teren an men se te yon chand'batay tou. Kilès lan nou ki te wè match la? Pataje enpresyon nou.

Bravo pou jenn ti jwè ajantin yo (sanble Lele te telefone yo). Yo pran desepsyon pa ekip granmoun yo (0-3), yo tounen li tèt anba (3-0). Sa se yon bon fòtifyan pou Lele!

N'ap tann match final kont tchèk yo.

Mwen sèten Lele pa pral fè prediksyon...

Leoneljb
Posts: 222
Joined: Fri Dec 29, 2006 10:29 pm

Post by Leoneljb » Fri Jul 20, 2007 11:51 am

Mwen demisyone. TalE nEg Bouli'a a lage nan kO'm.. Ma'p tann li tou. Ni li,ni Ana, Serge ak tout JG.
Bon, ou wE, ti mesye U-20 sa yo pa tElman montre'm ke yo enpresionan ditou. Mwen te gen espwa sou gwo mese yo. Paske, mwen te panse ke ekip sa'a se te reyElman oun ekip gayan ke li te ye. Paske, li pat vrEman gen twou apa de gadyen an. Men elas, nou fE flay.
Pou ti mesye U-20 yo, yo sipoze apwoche match la san awogans. Kite tchek yo pike devan. Yo menm, yo sipoze kontwole mitan teren pa oun seri de attak an triang. Oun tipas kout swivi de oun long pas. Pa atake akdefansE yo. itilize mitan teren an ak avan yo. Eseye evite sant boul anlE paske ewopeyen yo pi wo. An plis, pa konprann ke match nan fini emnm si ya'p mennen pa de a zewo. Paske, ewopeyen kapab jere oun match pandan oun ekip ap mennen de gOl sou yo. Yo pa dekouraje fasil.
Guy, li pi fasil pou Ajanten jwe kont ekip ewopeyEnn ke sid amerik. Sid ameriken yo jwe preske menm jan. E se sa ki fE Dunga chanje jwEt la. Li pa panse ke jan yo jwe a pwodiktif. E se pou rezon sa ke ni Ronaldinho, Kaka ak Adriano pat vle patisipe. By the way, wmen panse ke estil Dunga'a pi reyalis men mwen renmen wE bEl jwEt tou. Kidonk, oun happy medium ta'p reyElman pi bon.
Pou final la, mwen pa wE kijan tchEk jwe. MEn, mwen panse ke yo af jwe anpil fast break. Kidonk, mwen ta'p kite nEg yo devan an bat yo ak atak endividyEl e anpil fent. SE ta di, ou montre ke'w pwal santre. Men, oun fE sant lan an retrE pou moun ki nan deyO gwo kare'a.
Ma'p swiv, pou'm wE si nou pa pwal lakay nou ak koup sa'a. Paske, san'm deyO. Mwen toujou konvalesan...
Leonel

Shelony
Posts: 86
Joined: Fri Dec 29, 2006 3:37 pm

Post by Shelony » Fri Jul 20, 2007 9:01 pm

Bon Leonel. sa ou genyen ou fe analiz konsa. Ou pa konnen se espre Brezil te fe li te kite Meksik kale li na premye match la pou li te ka pat premye nan group la. Paske si li te premye li tap voye Ajantin ale tro vit ha! ha! ha!

konsole w zanmim!

Shelony

User avatar
Guysanto
Site Admin
Posts: 1289
Joined: Fri Mar 07, 2003 6:32 pm

Post by Guysanto » Fri Jul 20, 2007 11:24 pm

[quote]Ou pa konnen se espre Brezil te fe li te kite Meksik kale li na premye match la[/quote]
oh! e pa Shelony mete verite a deyò... mwen pat menm oze fè sa.

Kounyè a, Shelony, Lele pap kab dòmi menm.

Bouli

Post by Bouli » Sat Jul 21, 2007 1:18 am

Ala nEg gen bon refleks se profEt Lele. Li fE espre l'mande pou-m vin nan kO-l men se te you lOt moun li te espere.
Antouka m'ap fE kOmsi mwen pa konprann.

Lionel, apa Basile se estrateji jal Meriken an (Petraeus) li te chwazi jwe nan final Kopa. KifE misye te di Ayala si ou
paka bat yo ou mete ansanm avE yo.

Konsole-w ak u-20 yo. Antouka pa bliye Tchek ak ansyen Yougoslavi se peyi ki te toujou bay bon boul nan mondyal yo.
Dabitid se move abitraj byen programe ki fE peyi Ewop delEs sa yo pa janm pote mayOl la. Mwen ta toujou remen wE koup
la vin nan kontinan nou an men pa nan nenpOt kondisyon (mano de Dios).

jafrikayiti
Posts: 218
Joined: Fri Dec 29, 2006 7:16 pm

Boul nan peyi d Ayiti

Post by jafrikayiti » Sat Jul 21, 2007 7:21 am

Onè kanmarad,

Se pa ti regrèt mwen regrèt mwen pa te gen chans patisipe nan bèl konvèsasyon boul sa a.

Di m sa ou vle Leonel gen rezon lonji dwèt sou fanatik Brezil yo kòm moun ki t ap tranble anvan match lan, epi k ap ponmen kò yo lè tout bagay fin klè.

Ane sa a mwen te gen chans viv Kopa a nan peyi d Ayiti. Mezanmi, menm jan nou wè nou anime sou fowòm nan se konsa Ayisyen fanatik boul - espesyalman Ajantin ak Brezil.

Men, sa mwen remake sèke tout fanatik Brezil yo t ap plenyen kijan yo pa gen yon bon ekip. Kanta pou Wagner Love menm, se koukouwouj yo lage dèyè misye kòm responsab tout malè Brezil....men, tankou mwen t ap di yon fanatik ki te nan menm kay avè -m, jou bwa a mare, se Love lan menm ki pra l sove yo....epi yo di se Leonel ki pwofèt !

Antouka, jou match final lan, se sou wout SODO mwen te ye, apre yon kokennchenn manifestasyon Lavalas ki te fin rale tout enèji mwen. Sou tout wout la, kit se fanm, kit se gason, kit se granmoun kit se timoun, se yon sèl preyokipasyon....BOUL !

Anpil kote yo mete televizyon nan lakou pou tout moun sou katye a vin gade, paske se pa tout kote ki te gen kouran.

Kit se lavil, kit se nan fon kè peyi a, moun ki sou bourik ak ti radyo nan men yo...tout moun branche sou boul...

Lè Brezil fè premyè gol la nou te sou wout Taba ap okipe yon pàn kawotchou ki pran plis tan paske lespri kawotchouman nan se sou boul li te ye....apre sa, nou tande mesye Caraibes yo (ki se fanatik Ajantin) ap plenn yon dezyèm fwa...., nou te tande rèl la, men nou p at ko konnen si se Brezil osnon Ajantin ki te bay gòl. Yon ekip medam k ap kouri ak mayo jòn e vèt sou yo, di nou se 2 a zewo y ap mennen sou zòt....pi douvan, yon bann timoun k ap pote dlo di nou se 3 a zewo.... Mezanmi, machin nan te chaje ak Brezilyen, se gras a lwa yo nou pa fè aksidan.

Leonel, mwen kontan aprann ou te konn pase bon moman nan SODO, Mibalè elatriye.... a vye frè ou gen chans vre. Ala yon bèl pelerinaj....

Mwen espere mete kèk foto ak videyo sou blog mwen an ....

mesyedam, fòk nou pale tande. Ayiti bezwen nou, nou bezwen Ayiti. Gen bon lavi k ap tann nou lakay nou....Yon nasyon ki anvi vin ap konnen lanbi rasanbleman pou pitit li yo ki gaye toupatou....sa se pa koze boul....

Kidonk, mwen teke fren m....

Jaf

Jgpalmis
Posts: 65
Joined: Mon Jan 01, 2007 11:02 am

Post by Jgpalmis » Sat Jul 21, 2007 8:54 am

Guy monchè, mwen te wè twaka match Ajantin - Chili-a. De ekip yo te vin jwe boul. Abit la gate espektak la.

Premye Katon wouj li bay la pat nesesè, se vre jwè Chili-a te voye yon kout pye sou yon jwè Ajantin ki te atè men kout pye-a pat pran li. Sepandan, jwè Ajantin lan te fè sanblan li pran yon kout pye bourik, li jwe abit la, lè li pran de men li li mete nan figi li. Abit la kouri pridip, pridip, pridip li foure men nan dèyè pòch li, Katon rouj. Ay! ti jwè Chili-a prèt kriye, misye jwenn fòs li mache de bra balan, li kite teren-an.

Malgre ti mesye Chili yo te pèdi yon jwè, yo kontinye ap jwe boul. Lè m' di w' sa frè mwen boul ap roule, boul ap roule. Ti mesye Ajantin yo sere jwèt la deplizanpli enpi y'ap veye okazyon pou met presyon sou defans Chili-a. Jiske la, pat gen pwoblèm.

Antretan, abit la kontinye ap soufle fot pasi pala men twaka kout siflèt yo se nan dezavantaj ekip chili-a. Menm abit sa-a pral bay Chili yon lòt kout pwen anba ti vant. Enben, gen yon jwè Ajantin ki fè yon vye tak, yon jwè Chili-a kouri al kot abit la, li kenbe li nan bra pou l' di abit la bay jennonm Ajantin la yon kat souple. Abit la fache, li rale bra li nan men jwè Chili-a vlaw! men jwè sa-a genlè te pran yon kat jon deja (Mezanmi, ti bway la, pat gen dwa touche abit la se vre!) Men sa-w' tande-a, mouche abit rale kat wouj li, li pim. Kaptenn ekip Chili-a, gadyen-an kouri nan direksyon abit la, misye pot ko rive tou pre abit, mouche abit rale kat jon li , li pow, enpi l'gonfle ! :oops:

Bagay la vin myèl nèt, m' gen enpresyon se kè ti misye Chili yo pran ki fè yo pat kouri kite teren-an bay abit la. Mwen tou, m' te vin dekouraje gade rès match la. M'al chache fè yon lòt bagay. Ou konn sa li te ye: "m' t'ap reviv baton Brezil te sot bay Ajantin lan nan Copa america. Lele, Tidodo se pat fot mwen non se yon repriz Foxsport Canada t'ap bay sou match la. Nan fen jounen-an, M' vin aprann apre Ajantin te vin bay yon twazyèm gòl anvan match la te fini.

Pwoblèm ti mesye Chili yo pot ko fini paske, m' t'al aprann nan nouvèl Lapolis Toronto te arete plizyè ladan yo ki genlè te refize monte Bis ki t'ap tann yo nan Parking estad la....

Yon lòt kote Guy ou te di :[quote]Mwen sèten Lele pa pral fè prediksyon...[/quote]

Ou kwè l'ap pran chans. Anfèt le 18 jiyè 2007 vè 8:43 pm, m' kwè li te ekri sa-a :

Lele: [quote]Etan done mwen bay demisyon nan Ann Pale kòm prediktè Foutbòl....[/quote]

Ou pa janm konnen, li ka reprann dyòb li daprèzavwa bagay yo bon nan men ti mesye U-20 Ajantin yo.

Pou m' di nou byen mwen ta byen kontan Lele reprann dyòb li. ;-)

Depi lakou Ottawa, se te JGPalmis pou ribrik espò WOH ki pase tout tan 24/24 sou gran chimen savwa-a.

Leoneljb
Posts: 222
Joined: Fri Dec 29, 2006 10:29 pm

Post by Leoneljb » Sun Jul 22, 2007 12:19 pm

Ou wE nEg JG'a. Mysie deklare ke abit la pa't sipoze bay kat wouj paske, jwE'a te voye kout pye'a men li pat pran jwE Ajanten an. Bon kifE, se pou pye'a te lapide ti malere'm nan pou'w te aksepte... Alon fanatik brezilyen machan papa! Apre, ou di ke jwE'a se manyen ke li manyen abit la sElman. Bon, fO'm di nou, Youn abit se wa sou oun teren. Si li bay oun fot ou pwoteste. Li kapab ba ou kat. De pli, li entEdi pou ou touche oun abit.
Chili merite tout fot ak kat yo. E, si abit gwo mesye yo te mansyone ou dimwen abitre match la pi byen. Mwen si e sEten ke jounen jodi'a ni ou, Guy, Shelony, Anacaona, Serge ak Bouli se nan komprEs ji kowosOl ak lEt evapore ke nou ta'p ye... Se domaj kifE domaje. Mwen wE vwa nou byen gra. Men, se bat chen an tann mEt li!!!
Mwen ap met ti kO'm tou dousman. Paske, malatchong nan deyO. Mwen wE kijan nou vle jwe. Mwen pwal jwe menm jan uruguay jwe avE nou, lE sa ma wE sa kap pase????
Antouka, mwen kontan wE Jaf nan zOnn nan. Mwen gen kEk tan mwen pat tande'w, WELCOME. Ti Brezilyen bO isit la enpoze'm viv :twisted: . Alleluia, satan je renOs :lol: .
By the way Jaf, mwen tande bagay yo ap mache byen Ayiti! Mwen gen oun sEl mal ale, se pOch mwen ki kreve ki fE mwen poko fE oun ti kout pye. Men, anvan lontan ma tounen, se Papa loko mwen ye ma pot nouvEl bannou.
Mwen konnen se oun lOt kote topik sa ye. Men Jaf, kijan ou kite dEyE'a?
Revenons a nos moutons, li oun lE endiy. FO m'al chofe pou'm al jwe match final la ak tchEk. gen anpil ipokrit ki ta renmen'm pEdi. Men, kOm mwen te di'l, Sanm deyO. FOk mwen rasanble, LWA yo. Sonnen ason, trase vEvE, ti nEg anba mechan, fO nou fE sak sipoze fEt. Mwen pap bay prediksyon. Paske, nou te fE match nil avE yo deja. Men, ma'p gade kijan match la ap dewoule anvan.
Oun ti chante mwen dedye pou Brezilyen yo,
Kote moun yo'o? Mwen pa wE moun yo'o! Kote Brezilyen ka'p pale moun mal. M'pa wE Brezilyen ka'p pale moun mal. Woy, woy ,woy, woy, woy, woy, wooooy bann devan byen dEyE mal o...
leonel

Leoneljb
Posts: 222
Joined: Fri Dec 29, 2006 10:29 pm

Post by Leoneljb » Sun Jul 22, 2007 7:29 pm

D'apres ce que je venais de faire au Canada. Si les citoyens Breziliens ne se revoltent pas. C'est qu'ils ne sont pas des Hommes!!!!!
Leonel

jafrikayiti
Posts: 218
Joined: Fri Dec 29, 2006 7:16 pm

Post by jafrikayiti » Sun Jul 22, 2007 9:01 pm

Lè ou pa jwenn manman, ou tete grann !

Ala gra vwa ou vin gra Lele !? Antouka, mwen konnen JG pra l vin sou do pye ou.

Monchè koze boul sa a se yon veritab relijyon. Dimanch dènye vè lè konsa Ayiti te cho ak konvèsasyon fawouch. Brezilyen ki te an soudin t ap gaye pay, ponmen zèl yo, fè Ajanten esplikasyon.

Boul la te anvayi tout espas, menm teren politik la. Se konsa, nan mitan manifestasyon Lavalas ki te fèt 15 jiyè a, mwen t ap suiv yon manifestan ak inifòm Ajantin sou li, kèk minit anvan match lan, ki pwoche devan yon kamyon MINUTAH Brezilyen yo, li di yo : "Se wonfle mwen pral wonfle nou pita". Men, grenn Ajanten sa a te nan mitan yon bann ak yon pakèt fanatik Brezil ki te manifestan Lavalas parèy li. Anfendkont, se yon bèl okasyon pou Ayisyen fete youn ak lòt.

Kanta pou emisyon radyo yo menm se pa pale. Animatè yo espesyalize nan domèn foutbòl la. Yo konnen tout detay sou tout jwè epi mesyedam yo komik. Nèg radyo karayib yo menm se yon ekip fawouchè pwofesyonèl yo ye.

Kidonk, ti vakans sa te fè mwen viv yon Kopa Amerika ki toutafè espesyal.

Mwen kraze tande, lè dòmi mwen pase depi lontan...

Jaf

Jgpalmis
Posts: 65
Joined: Mon Jan 01, 2007 11:02 am

Post by Jgpalmis » Mon Jul 23, 2007 8:22 pm

Ou wè, ou wè sa l' l'ap fè.

Bon Lele o!

Lele, apa ou ap frape lestomak ou fò la-a paske ti misye U-20 Ajantin yo bat ekip Chek la. Wi Lele se Chanpyon yo ye men U-20.

Rete mesye, Kèk joud sa se lwa bèbè ki te sele ou. Jodi-a se lwa jako tank ou ap pale anpil. Talè m' rele Dunga pou ou. :lol:

Pa konprann mwen mal non se dwa-ou pou fete. Mwen kontan pou ou ak tout fanatik Ajantin alwonnbadè.

Bon koute non Mesyezedam, eske gen youn nan nou ki ka eksplike m' bagay sa: "Ajanten yo ap plede chanpyon nan U-20 sa fè 6 fwa yo pran koup sa-a de fwa swivi swivi (y compris) sa yo fenk pran la . Men, vyèj timèn mwen, pouki y'ap desann kanson yo nan Koup di mond ak copa america?

Lè w tande se ak Brezil y'ap jwe menm...tout bèl ti jwèt fini.

Lele ou mèt fete nan lakou timoun men le se nan lakou granmoun ou konnen granmoun pa jwe... al antrene enpi mete gason sou ou! :D

Leoneljb
Posts: 222
Joined: Fri Dec 29, 2006 10:29 pm

Post by Leoneljb » Tue Jul 24, 2007 6:14 am

JG, m'ap vinn sou do pie'w. Paske, kounye'a, mwen konn malatchong nan. Epi tou, vinn jwe boul. Pa voye pie.
M'pwal pale Mexique pou'ou.
Antouka, kounye'a, m'pwal wE kijan ti Ayisyen yo pwal demele yo nan koup dimonn nan an out.
N'ap tann!
Leonel

Bouli

Post by Bouli » Tue Jul 24, 2007 1:09 pm

Lele, Tidodo,
Bòn fèt. Lele fò pa jwe ak bagay serye non, Meksik ap woule bon boul. Ou sonje kijan yo te kenbe Ajantin nan gagann nan dènye mondyal la. Dayè si Bondye te pi jis ou deja konnen kilès ki t'ap genyen match la. Pafwa m'ap mande si se pa nan betiz foutbolè amerik latin yo ap pase Bondye oubyen yo kwè toutbon ekip ki fè plis siy delakwa ap genyen match la. Gen you zanmi ki di-m sa se vrè siy soudevlopman.

Frantz
Posts: 103
Joined: Fri Dec 29, 2006 5:06 pm

Post by Frantz » Tue Jul 24, 2007 6:29 pm

Mezanmi gade gwose koze mwen rate non ...ayayay! Se nan mitan chale potoprens mwen ye. e se koulye an mwen gen yon chans vizite window an. mwen kontan we tout echanj ki fet sou foutbol lan. nan zon potapiman ki nan sid peyi an, pep pran lari pou fete viktwa Brezil sou Ajantin. Chante yo di ke Brezil kale 2 a 1 olye de 2 a 0. Se yon jan pou yo efawouche fanatik ajantin yo.
Sanble fre Leonel pran gwo frap , m ap mande eske Guy te pote te vevenn lan li te pwomet lan ? Mwen ki se fanatik brezil, mwen te oblije bwe yon bon te telman mwen te sezi we kal ke brezil bay Ajantin. Anfen , erezman te genyen ti piti yo, Jenn U20 yo leve manton ajantin. Leonel dwe kontan papa!
kenbe la
depi lakay
frantz

Leoneljb
Posts: 222
Joined: Fri Dec 29, 2006 10:29 pm

Post by Leoneljb » Tue Jul 24, 2007 8:47 pm

Gad jan'w mechan Frantz. Ou pa menm di'm ou ta prale nan pOtapiman. Mwen ak Guy ta byen swiv ou. MECHAN!
Antouka, m'a fE oun ti kout tou!
Sou Kozman U-20, nou prefere rele yo timoun. Men, si maren pa nou yo te gen final sa'a. Nou pa t'ap rele yo ti moun ankO. Antouka, ou gen ti koup lokal la. Mwen menm, mwen genyen oun koup dimonn! Ala bEl bagay se sEvi Bondye...
On m'a abattu au Venezuela, que le tronc de l'arbre des Argentins...
Leonel

Post Reply