Tanbou gran Saloun

Post Reply
Widy
Posts: 43
Joined: Sat Dec 30, 2006 2:35 pm

Tanbou gran Saloun

Post by Widy » Tue Jul 17, 2007 4:35 pm

Onè Rèspè,

Tanbou saloun se oun bagay ki nouvo pa bò nou, men an menm tan se oun biten ki milenè nan kilti negro-afriken.

Si-m ka pale zòt dè sa se paskè-m jwe adan youn nan gwadloup e-m touve sa glorifyan oun lo pou kilti la.

Tanbou saloun se oun kote ou ka touve de fanmi nèg size a lantou a tanbou e ka koute'l pale.

Kote la'm jwe la se adan oun kaz stil Ranch ki nan bwa an kanpay. Moun yo ka itilize-y pou pase week end e yo gen tout kalite bèt pa bò-y.

Sa-m apresye oun lo sekè te gen gran-pè gran-mè papa manman jenn gasoun e jenn fi e plen ti moun a lantou a yo, plis zanmi ak kolèg.

Moun sa yo prepare boun manje lokal èvè bwè a gogo. Se la tou mwen apresye bwè dlo koko glase nan plas dlo nòmal.

Tanbou saloun se oun kote de moun pe rèsèvwa zanmi yo kon kolèg yo pou pase oun moman détant.

Nèg yo, se sitou soun tanbou la yo renme tande e kon bondye fè kè si gwadloup nou rive kodifye 7 ritm tanbou afriken yo ki fè kè-m kab jouwe nan jan tanbou saloun.

Pate ni poun pawòl malelive e dayè se yenki enstrimantal nou jwe, e se moun la pate la pou yo tande pon zafè a "fanm lage siwo asou mwen ou zafè a bounda ou ankò zafè a mwen maye 3 fwa.

Se jan dè nèg la ki ka òganize sa lakay yo, se pa nenpòt jan di nèg yo ye. Byen souvan se de vrè fanmi moun èvè papa e manman ansanm, de moun ki an fanmi e yo pala pou tann pou konfizyoun nan tèt yo.

Plezi a yo se dè tande oun resital a sa ki ka fèt dè mye an langaj tanbou-la.

Se moun tala, sepa tanbouye yo ye, men yo renme e ka pran plezi a koute tanbou.

Nou pe kriye yo boujwazi lokal padavwa kè se pa tout moun ki ni ranch, men ann rikonnèt tou nivo la yo ka mete tanbou la nan èstim.

Kon se mwen ki te an solo nan saloun yo, mwen pe di zòt kè yo apresye-m oun lo, yo aplodi-m, e yo te kontan.

Menm oun vye madanm ki te la ban mwen gran rèmèsiman e li te kontan tou bònman.

Sa mwen wousanti osi se oun sèten kilti faraonik padavwa a wè nèg antoure jwè tanbou e ka koute san di oun mo asou bèl veranda a yo.

Pa ni pli bèl resèpsyoun ki adan oun saloun ak tanbou e sa se oun bagay ki rezève a oun elit nèg ki sèl pe pèmèt li lix la sa, e se pa nenpòt ki jan dè nèg ki li ni, ki li pani lajan ki kab fè sa.

Sa ka mande oun lo kalite ak konsyans pou rive a nivo tala e mwen pe di zòt magre tout difikilte pèp la ap sibi se jan dè tradisyoun tala ni pou devlope rèd.

Kon di ankò oun pwovèb afriken ; se èvè oun ti pa ou kab fè oun gran mawch.

Widy

Leoneljb
Posts: 222
Joined: Fri Dec 29, 2006 10:29 pm

Post by Leoneljb » Tue Jul 17, 2007 6:26 pm

NEg anmwe kote'w te ye? Mwen pat pran nouvEl ou ditou. Antouka, mwen kontan wE ke ou pa lage. Nap kenbe tou dousman...
Leonel

Widy
Posts: 43
Joined: Sat Dec 30, 2006 2:35 pm

Post by Widy » Sat Sep 15, 2007 5:23 pm

Si gen oun biten m'pe pa lage se byen tanbou-la. Nan lavia bagay kap vin bagay kap pase men tanbou-la toujou rete o prezan lendikatif.

Si-m ni oun biten a di-ou se kè, menm oun fwa nan lavi a'w, fòk ou ale adan oun tanbou saloun.

Mwen pasav si sa ka ègziste ankò an ayiti padavwa an plis kè nan rèstan karayb la, pani sa menm, men si ou ka vini oun jou Gwadloup fè'm sav mwen ke eseye envite'w adan youn.

Fòk ou wè sa menm.

Dotrèpa, moun pe toujou panse kè kilti tanbou nou se fòlklorik li ye men manti sa, piskè jòdijou tanbou pa bò nou gen osi popilarité ki zouk ki konpa ou dance hall.

Dayè sepa pou ayen kè foutbalè gwadloup ekip dè fwans-la, misye LILIAN THURAM ka òganisé oun gran sware tanbou lakay li, chak vakans lete nan gwadloup, e mwen pe di zòt kè sa ka menne moun kon moun fèt.

Si'l pat boun li pateke fè-y.

Widy

Post Reply