Difikilte a touve boun tanbou gwo ka

Post Reply
Widy
Posts: 43
Joined: Sat Dec 30, 2006 2:35 pm

Difikilte a touve boun tanbou gwo ka

Post by Widy » Mon Apr 23, 2007 4:33 pm

Kounyela, pa kote tanbou gwo ka kon tanbou djenmbe afriken, gen kèk pwoblèm pou tanbouye yo touve tanbou ki ka reponn a aspirasyoun yo.

Pwoblèm la ki ni la, se kè plen nèg dekrete kò yo kon moun ki ka fè tanbou. Yo ka fè tanbou, wi, men yo ka fè-y nenpòt ki jan, yo paka rèspèkte fasoun tradisyonèl li.

Se kon sa si tanbou gwo ka kounyela, ou pe touve seraj tanbou yo an fè kon "Conga". Yo ka foure an plas a kòd anlè-la de priz an fè.

Wi se oun tanbou, men nou pe pa di kè se oun tanbou ki ka rèspèkte oun minimòm a jan zansèt nou taka fè yo.

Oun dòt gwo pwoblèm ankò se zafè a bwa yo ka itilize pou fè tanbou yo.

Bari yo ka touve konsayela, se baril ki fèt pou chaye di ven e se an bwa a chèn li ye. Deja li pli lou, e soun ay pa menm biten, alòs kè oun vwè baril li plito an mèrizye li ye e li pli fen an epesè.

Konsènan moun ki konnen tanbou e ki ka jwe-y, se jan dè tanbou la sa, lò ou itilize yo de twa fwa, yo ka vin palo. Soun a yo lèd e yo pa gen randman.

Tousa se pou di kè tanbou kounyela ka vini oun obje plis ki awtistik ki ka mande oun lo kontrent, e bien si pri ay paka arete monte.

Pa si gwadloup sa ki ka fèt se kè moun ki teka fè tanbou, ayen pa ankouraje yo pou yo te transmèt savwa a yo a dòt jenerasyoun, ki fè si nou ka touve nou an sitiyasyoun la sa.

Deja si se pou evaliye kontrent materyèl sa ka mande, sa vle di touve oun tono an bwa mèrizye, fè oun spesyalis travay li ba-ou, vise se sèk la, trete bwa la.

Apwe sa fòk ou touve se ti bwa a seraj la (e se pa bwa a manch a bale) ki se oun bwa byen spesifik, plis montaj tradisyonèl li èvè oun kòdaj byen spesyal, san oubliye travay gwo bò a tanbou makè yo .

Tousa ka divini oun biten près enposib e pa menm pale dè pri ay.

Oun biten ki enteresan pa kont se kè oun boun tanbou, se oun biten ki ka vann vit, ou ke peye-y chè men ou peke janm pèd lajan èvè-y piskè boun tanbou se oun bagay fasil a vann.

Mwen ke vini biento ba zòt èvè pwoblèm pou touve boun tanbou afriken.

M'ale

Widy

Post Reply