Ki jan n ap di nan kreyòl nou an ... ?

Post Reply
User avatar
Guysanto
Site Admin
Posts: 1289
Joined: Fri Mar 07, 2003 6:32 pm

Post by Guysanto » Wed May 23, 2007 7:43 am

Wow, sa se yon gwo tchalenj tout bon vre, paske majorite nan aktivite sa yo pa te egziste ou pa te gen plas nan lavi pèp nou an Ayiti. Kidonk, nou pa gen mo natif natal pou yo, se nouvo mo pou nou ta envante. Mwen pa aktif nan domèn sa.

Gen 2 moun ki vin nan tèt mwen ki ta kab ede ou petèt: se Kaptenn Koukourouj nan Otawa epi Emmanuel Vedrine nan Boston. Vedrine an patikilye se nèg ki fouye zo nan kalalou. Malerezman misye pa vin sou fowòm lan ankò. Eske ou konnen kouman pou antre an kontak ak li?

Antouka, tout lòt moun kapab rantre nan won si yo vle. Kantamwa, non m'sye je swi fatige.

Leoneljb
Posts: 222
Joined: Fri Dec 29, 2006 10:29 pm

Post by Leoneljb » Wed May 23, 2007 9:23 am

EspO penyen lage
bwa fouye
batay bEf
Rowing nan difisil
Glisad mOn
Wakeboarding???
rigbi
tire flEch
kous motosiklEt
A masyal
Disc golf pa jwEt Ayisyen
lekOl segondE
penpennen
fE glisad ak bOb
maraton
voye fE
Glise sou sab
BOlinn
lit
Boul dous

Si nou pa aksepte yo. Vinn ak pa nou.
Leonel

Michelange Hyppolite
Posts: 60
Joined: Mon Feb 12, 2007 8:41 pm

Post by Michelange Hyppolite » Mon Jun 18, 2007 8:12 pm

Mwen gen kèk tan mwen pa te parèt sou windows. Se, younn paske chay travay mwen ak lòt aktivite kominotè yo te twò lou pou mwen epi apresa, mwen pa te konnen kijan pou mwen te rantre sou Windows II a. Aprèmidi a, mwen te senpman peze kèk kazye epi mwen bin tonbe daplon.

Bon wè youn dal mo la a mwen pa konnen, paske mwen pa janm sèvi ak yo nan lavi chak jou mwen.
Sa mwen konnen yo, mwen va mete youn repons sou kote yo, epi mwen pa konnen yo, mwen va kite yo blanch.


Fantasy Sports
?
Boating
?
Bullfighting
?
Rowing
?
Mountainboarding
?
Wakeboarding
?
Rugby
Mwen ta di rigbi, paske se sa mwen abitye di lè mwen ta pe grandi anndann Ayiti.
Archery
?
Motorcycle Racing
Kous motosiklèt.

Martial Arts
?
Disc Golf
?
High School
Lekòl segondè

Fantasy
?
Bobsledding
?
Track and Field

Nan kanada yo di «piste et pelouse». Mwen mete franse a, se pou mwen bay youn lòt ki enterese ak mo a youn boustè pou li kreye youn ekivalan kreyòl.
Curling
Mwen konnen kisa espò sa a ye, men mwen pa vrèman konnen ki mo mwen ta kab chwazi pou li. Sepandan, mwen remake nan diksyonè fransè Le Petit Robert, yo prete mo curling lan dirèk-dirèk. Eske mwen pa ta dwe fè menm bagay la tou. Sòfke nou ta adapte mo sa yo ak òtograf kreyòl la.

Bobsledding
Bòbslèd.
Sandboarding
?
Wakeboarding
?
Rowing
?
?
Bowling
Boling
Wrestling
Lit
Softball
Boul mòl oubyen sòfbòl.

Mwen ta sigjere nou rantre non tout kalite espò sa yo dirèkteman nan lanng kreyòl la. Rezon an senp: Si nou pran foutbòl, baskètbòl, volebòl, pingpong, tenis, eksetera... Yo tout rantre jan yo ye nan lanng kreyòl la. Mwen kwè nou ta dwe suiv menm tradisyon an.

Nan jwèt foutbòl, sèl grenn espò mwen konprann byen, paske se ladan mwen te leve, gen plizyè tèm nou itilize, se tèm angle yo ye.
Kònë, awoutsay, gòl, eksetera
Mwen pwopoze youn lòt fwa ankò pou nou adopte tout mo Mastè a pwopoze yo nan lanng kreyòl la.
Kisa zanmi kreyolis parèy mwen yo ap di nan sa?

Mwen pa rete non.
Michel-Ange Hyppolite ( Kaptenn Koukourouj )
Manm Sosyete Koukouy Kanada

Michelange Hyppolite
Posts: 60
Joined: Mon Feb 12, 2007 8:41 pm

Post by Michelange Hyppolite » Wed Jun 20, 2007 10:18 pm

Kòm pa gen mounn ki kòmante pwopozisyon mwen yo, mwen oblije reponn tèt mwen pou mwen mande kote mounn yo? Kote Master a limenm menm, ki te parèt ak divès mo nan kategori espò a? Mwen espere misye pa malad. Mwen ta renmen genyen opinyon li sou remak mwen yo. Sa ta pèmèt nou avanse pi devan ak lide nèf nan chan li pwopoze a, ki se espò.
Tankou mwen toujou di li: Depi se pou travay, tout nèg vole gagè, men si se te pou zen, ou ta wè bèlmèvèy.

Mwen wè Leonel te fè pati pa li a. Se trè byen.
Nan sans sa a, mwen kab di se mwen ki te manke lizay, paske mwen te dwe kòmante lide Leonel yo anvan mwen te parèt ak pwopozisyon mwen yo.
Alaverite, Leonel ak mwen gen kèk mo ki parèy, men mwen, mwen ta pito suiv wout «emprunt direct» la tankou sa deja fèt nan lanng lan nan domèn kou Foutbòl ak volebòl. Mwen pa di baskètbòl, paske se youn espò ki vin devlope anndan Ayiti pandan mwen ap viv nan peyi etranje.
Si gen mounn ki konnen langay kreyòl ki itilize pou baskètbòl anndan peyi a, yo va pataje yo ak nou. Konsa, nou va konnen kijan pou nou oryante nou nan chwa mo Mastè a voye pou nou yo.

Bon mwen pa rete non.
Se te Michel-Ange Hyppolite ( Kaptenn Koukourouj)
Manm Sosyete Koukouy Kanada

Michelange Hyppolite
Posts: 60
Joined: Mon Feb 12, 2007 8:41 pm

Post by Michelange Hyppolite » Wed Aug 22, 2007 3:05 pm

Mwen te trè okipe soti mitan mwa jiyè pou rive nan ouvèti mwa out la. Apresa, mwen te al fè youn ti vankans. Se rezon ki lakòz nou pa te tande bri mwen.
Mwen pral pran san mwen pou mwen li tout pawòl Mastè a. Mwen va konsilte sit yo tou epi apresa nou va kontinye konze nou.

Mwen pa rete non.
Michel-Ange Hyppolite ( Kaptenn Koukourouj )

Post Reply