Sosyete Koukouy Pitit Mouvman Kreyòl

Post Reply
Michelange Hyppolite
Posts: 60
Joined: Mon Feb 12, 2007 8:41 pm

Sosyete Koukouy Pitit Mouvman Kreyòl

Post by Michelange Hyppolite » Tue Dec 18, 2007 3:09 pm

18 desanm 1965 - 18 desanm 2007, sa fè 42 lane byen konte, depi Òganizasyon Mouvman Kreyòl, ak seksyon travay Sosyete Koukouy anndan li, te wè jou. Nan ane 1969, Mouvman kreyòl te kanpe, paske yo arete tout responsab òganizasyon-an epi fèmen yo nan Fò Dimanch, men Mouvman Kreyòl, kòm mouvman ideyolojik, pa te kanpe pou sa.

Ane ale, ane vini. Nèg ak nègès pran kou, men gen ginen ki pa janm bay gany. Pami yo genyen Dòk Ernst Mirville (Pyè Banbou), Emile Célestin-Mégie (Togiram) ak Jan Mapou. Apre Òganizasyon Mouvman Kreyòl la te disparèt, Dòk Mivil te reparèt sou teren an ak BILAP, Togiram limenm te kreye Gindòl epi Mapou nan Nouyòk te relanse Sosyete Koukouy. Se lansman sa-a tou, ki pèmèt jounen jodi-a, gen Koukouy Miyami, Koukouy Kanada, Koukouy Tanpa, Koukouy Konektikèt, Koukouy Omstèd epi ki pèmèt Koukouy repèse ankò anndan Ayiti nan Santo.

Maten an, nan non Sosyete Koukouy Kanada, mwen di tout Koukouy ak zanmi Koukouy:
Bòn Fèt!
Ann kenbe flanbo-a byen wo pou nou kontinye klere nan fènwa.

Kaptenn Koukourouj ( Kanada)

18 Desanm 1965 - 18 Desanm 2007
Nou se Poto Mitan Kilti Lakay
N'ap klere nan fènwa

Branch Soyete Koukouy Konektikèt
Swete Tout Koukouy
Ak tout zanmi koukouy Tribòbabò
Bòn Fèt:
Ayiti
Omstèd
Kanada
Miyami
Nouyòk
Tanpa
Elatriye...

Chapo Ba Pou Bèl Sit Nou:
www.sosyetekoukouy.org
Kreyòl Pral Klere Pi Lwen…

Post Reply