Ayiti, Ayiti ! - Marcel Sylvain

Post Reply

Ayiti, Ayiti ! - Marcel Sylvain

Post by » Sat Feb 05, 2005 12:35 pm

Ayiti, Ayiti!

Marcel Sylvain

[quote]Mwen fèt nan yon bèl ti peyi
Ki benyen nan lamè dèzantiy
Peyi sila mwen renmen li
Li tèlman dous tèlman trankil
Ayiti se konsa li rele
Li dous pase yon kann kreyòl
Yo mèt ban m lò ban m dyaman
Mwen p ap janm kite l !

Ayiti, Ayiti
Mwen renmen w pou tout lavi m
Ayiti manman cheri
Se nan bra w pou m mouri !


Peyi sila se ladoudous
Li dous pase yon kann kreyòl
Pitit li ka pa konprann valè l
Paske yo pa genyen bon dyòl
Men etranje ka apresye l
Dè ke lan peyi a l vini
Yo pa mande pyès pou kite l !
[/quote]

Sous: Mosochwazi Pawòl Ki Ekri An Kreyòl Ayisyen
Editè: Jean-Claude Bajeux -Ëditions Antilla 1999

Post Reply