28 avril 1804 - 28 avril 2004 Dessalines a parlé !

Post Reply
Widy_

Post by Widy_ » Sun May 02, 2004 3:40 pm

bwavo ba tèks ou JAF,

Mwen te vle fè senpman oun ti pwesizyoun istorik.

Fò nou sav kè misye PELAJ se pa youn gwadloupeyen li ye men oun matiniken.

O debi li te epi la band Dèlgrès men lè ou gade li vini trayi frè a-y tou sa konprann dè di kè blan te bay rèkonesans, men lè ou gade blan trete-y pli move ki oun chen.

An lepòk tala dayè sete oun lo matiniken ke teka chèche rèkonesans blan e ki vann frè nèg a yo.

Dayè pwèmye biten tout ti moun gwadloup ka apwann, se kè PELAJ se oun kougnamanman, e se li ki vann gwadloupeyen.

Si nou chèche pli fon ankò, nou pe konprann diferans ki gen ant pèp gwadloup et Matiniken.

Si nou gade listwa nap aprann kè pannan revolisyoun fwanse, dè ayiti kon gwadloup yo touye tout wayalis yo kon yo fè an fwans tou.

Matiniken kant a yo, nou pe pa di kè yo fè oun revolisyoun, piskè tout blan wayalis yo, se nan peyi tala kè yo touve rèfij.

Se sa ka èsplike poukibit
en gen ansyen blan èsklavajis matinik alòs kè pa gen gwadloup e ayiti.

Oun dòt biten ankò, sekè dèpi tan lèsklavaj, tout move nèg, yo teka voye yo gwadloup ou ayiti alòs kè tout nèg ki teka niche bonda blan, ki te mwen evoliye yo teka fè yo rete matnik, piskè kon sa blan te sèten kè se nèg la pateke pwazone yo.

Malerèzman, jòdijou si zot ka pale èvè pèp kreyòl nan gwadloup yo ke di zòt kè chema tala pa tèlman chanje.

menm matiniken menm siwtou fanm a yo ka di kè gwadloupeyen pli sovaj e se pou sa kè blan paka fè sa yo le o bò nou alòs kè kote a yo, yo ka fè sa yo le epi yo, kont di gen plaj ki entèdi a nèg, sa yo rele plaj pwive, gen de kawtye pa gen poun nèg adan -y, men siwtou plis ki lan mwatye a pèp yo paka viv nan peyi yo.

dayè se pou sa kè plen entelèktyèl peyi yo jaka pale dè oun jenosid pa sibtitisyoun dè popilasyoun sa ki vle di kè yo koumanse pè kè blan vin pli nonbre ki yo nan peyi yo e fini pa foute yo deyò a kaz a yo menm.

Sete jòs oun ti pwesizoun kè mwen te le
fè zòt vwè.

Post Reply