Desalin / Defile

Post Reply
Ezili Danto
Posts: 197
Joined: Sat May 31, 2003 11:57 pm

Desalin / Defile

Post by Ezili Danto » Sat Sep 30, 2006 11:15 pm

[quote]To: erzilidanto@yahoo.com
Subject: Desalin / Defile
Date: Sat, 30 Sep 2006 12:54:26 -0400

Youn mesaj pou tout Ayisyen k' ap viv ak konsyans yo nan limyè

Lè nou sonje Desalin, nou paka pa wè Defile.

Se Defile ki te ranmase diyite Ayisyen nan pousyè ak san kote l tap drive nan Pon-Wouj.

Valè nou bay Defile, se valè nou bay diyite nou.

Nan okazyon saa, mwen envite tout Ayisyen bòn volonte mete kè yo ansanm avè m nan youn basen pwezi pou prezante oun kokennchenn Kouwòn pou Defile

Michel Sanon

************************
  • Kouwòn pou Defile by Michel Sanon


    Kouwòn pou Defile

    Defile, fanm vanyan
    Fanm santiman
    Fanm diyite…
    Se pou bèl zanj nan paradi
    Vide lwil pafen sou tèt ou.
    Move lang sou latè
    Kouri bri tèt ou te loke
    Istoryen malpouwont
    Pase non w nan rizib
    Pou pitit-pitit Ayiti
    Pa gen respè pou ou.
    Yo pa janm chache konnen
    Ki zèklè k te kale w
    Konmkwa w te kèk sanmanman
    Kochon te bay tete.

    Defile, fanm santibon
    Bèlte simbi ak kè bonbon
    Lè nou mande
    Kikote w te rete
    Yo di nou: kay kraze
    Nimewo-efase.
    Achiv pa make dat
    Pou Nèg Ginen sonje w
    Pou tilezanj fete w
    Nan tout jenerasyon
    Fanm kalite tankou w...
    Ala lapenn, manman!
    Epoutan, ou te fèt
    Ou viv, epi w mouri
    Anplis, ou fè bon zèv
    Depase moundebyen
    Ki ekri liv istwa
    Fè konnen w se moun fou
    Paske konsyans yo nan fènwa.

    Pou lonè w, Defile
    Pawòl twòp pou pale.
    Mwen trense you kouwòn
    You bèl kouwòn pwezi
    Ki pou fè moun sonje
    Kisa, kilès ou ye
    Chak fwa yo panse "diyite".
    Defile, rèn tout rèn
    Ou se solèy konsyans
    Ou se manman tout Ayisyen
    Ki viv ak nanm yo nan limyè.

    Michel Sanon
    September, 2006
    *******
[/quote]


HLLN's FreeHaitiMovement - Dessalines is Rising, Oct. 17th commemorations http://www.margueritelaurent.com/law/events.html and, http://www.margueritelaurent.com/pressc ... lines.html)

See also "Defile Manman "Chimè"? by Jafrikayiti, 2005
http://www.margueritelaurent.com/pressc ... tml#defile[/list]

Post Reply